शैतान' मधील त्या सीनने माधवनला अस्वस्थ केले...

 शैतान' मधील त्या सीनने माधवनला अस्वस्थ केले

सिंघम अजय देवगण आणि आर. माधवन यांची प्रमुख भूमिका असलेला 'शैतान' हा चित्रपट गेल्यावर्षी प्रदर्शित झाला होता. या चित्रपटात अजयपेक्षा खलनायक साकारणारा माधवन याने अभिनयाने सर्वांची मने जिंकली. आता याच चित्रपटातील काही सीन्स करताना माधवन खूपच अस्वस्थ झाला होता. याबाबतचा खुलासा स्वतः त्यानेच केला आहे. एका मुलाखतीत माधवन म्हणाला की, 'शैतान' या चित्रपटातील एक सीन खूपच अस्वस्थ करणारा होता, यामध्ये अजयच्या ऑनस्क्रीन मुलीला रात्रभर नाचण्यास मी भाग पाडतो. ते खूप संवेदनशील दृश्य होते. 

एक क्षण असा येतो की त्या मी जानकीला रात्रभर नाचायला सांगतो. यावेळी थकल्याने तेथे ती स्वतःवर नियंत्रण ठेवू शकत नाही. वास्तविक मूळ सीन्स थोडे वेगळे होते, पण तेथे मला जाणवले की खलनायक म्हणूनही , मी त्या क्षणी त्याकडे भावनिकदृष्ट्या पाहिले असते तर सीन हवा तसा होणार नाही. त्यामुळे तो सीन पाहताना प्रेक्षकांना किळस वाटावी, अशी माझी इच्छा होती. त्यामध्ये दया वाटावी अशी दृश्ये असू नयेत. त्या सीनदरम्यान मी स्वतःच्या अंगावर चादर ओढून घेतली होती. एक अभिनेता म्हणून मला काम केल्याचे समाधान मिळाले आहे