बँक मॅनेजरने ग्राहकांच्या खात्यातून कोट्यवधी काढले..

 बँक मॅनेजरने ग्राहकांच्या खात्यातून कोट्यवधी काढले

शेअर बाजारात पैसे बुडाले; मोबाइल नंबर बदलले

कोटा : येथील आयसीआयसीआय बँकेची महिला रिलेशनशिप मॅनेजर साक्षी गुप्ता हिने ग्राहकांच्या खात्यातून ४ कोटी ५८ लाख रुपये परस्पर काढत शेअर बाजारात गुंतवले. तिने कुटुंबीयांच्या खात्यांतूनही ४० ते ५० लाख रुपये शेअर बाजारात गुंतवले. मात्र हे सर्व पैसे आता बुडाले आहेत. तिला अटक करण्यात आली आहे. तिने २०२० ते २०२३ या काळात ४१ ग्राहकांच्या ११० हून अधिक खात्यांमधून पैसे काढत शेअर बाजारात गुंतवले. (वृत्तसंस्था)

घोटाळा समोर कसा आला?

बँकेच्या एका ज्येष्ठ महिला ग्राहकाच्या खात्यातून ३ कोटी २२ लाख रुपये काढण्यात आले. ती तक्रार करण्यासाठी बँकेतही आली. यानंतर हे प्रकरण समोर आले. साक्षी ग्राहकाच्या खात्यातील रक्कम परस्पर दुसऱ्या खात्यात ट्रान्सफर करत असे. तिने त्या खात्याचा वापर पूल अकाउंट म्हणून केला होता.

असा केला घोटाळा

साक्षीने ग्राहकांचे मोबाईल क्रमांक बदलले. त्यामुळे ओटीपी आले नाहीत. तीने फिक्स डिपॉझिटसमध्ये फेरफार करून हा घोटाळा केला. तिने एका व्यक्त्तीच्या नावावर ३.४ लाख रुपयांचे वैयक्तिक कर्ज घेतले आणि एटीएम, इंटरनेट बँकिंग, तसेच चार ग्राहकांचे डेबिट कार्ड वापरून व्यवहार केले.